如果你明天就死去，你會點渡過呢24小時？

如果你明天就死去，你估知道的人會有什麼反應？突然？惋惜？失落？定係開心？

如果你明天就死去，你想其他人點形容你？點樣掛住你？

嘩！乜原來死都要答咁多問題。但你可以諗一下，如果真係知道自己的「死期」，你會認真諗一下嗎？記住，唔好俾自己有任何遺憾，唔好俾自己有後悔。

我唔會分享我的答案，太私人啦！

一個普通不過的動作  – ‘R’ 背脊，令我今日sweet咗成日。

上午，同兩隻小豬玩緊，大豬同我講話背脊好痕，要我幫佢’R'吓。佢皮膚比較乾，好多時都會話痕，但通常會自己’R'，又或者我會叫佢搽D cream，都會好D。今日我都有叫佢搽 cream，但佢叫我幫佢’R'，no problem!

‘R’ ‘R’ 吓佢話好舒服，唔俾我「收手」。佢原本係「立正」俾我’R'，但我舉手舉到有D攰，就叫佢趴在我腳上。佢一趴，就趴咗成十分鐘。全程話好舒服，不停甜笑，又叫我’R'到100下先停，仲約我再’R'。好久冇同D豬仔咁close，sweet 到漏油。

阿仔，你開聲，媽媽「仆倒」嚟幫你再’R'背脊！

在香港這大城市裡生活，好容易有呢個錯覺：錢 ，真係萬能嫁！

當你趕時間，又或者想舒服D，俾多少少錢坐的士，既舒適又節省不少時間，爽！

當你揹個名牌手袋，登時自信心返哂嚟，勁！

當你周不時換最新手提電話，個D羨慕嘅眼光，嘩!

如果你有部跑車，仲更加不得了。朋友呀，朋友個朋友呀，女呀，排住隊同你friend!

但係，有冇嘢錢買唔到嫁？有，最老土個樣…

健康！唔洗多講。有好多錢，但成日瞓响張床望住個天花板，要錢嚟做乜？

你跟住可能會話，仲有親情都係。真係？你肯定？但我開始懷疑，錢係可以買到親情嫁。你有冇見過D人豐衣足食但會為錢嘈交？係嫌D後生俾D心意唔夠多。跟住就玩黑面，玩針對，都幾死火。有錢就笑番，friend番哂，唉！

仲有，當你富貴時，親戚D面口好D嫁 。但當你閉翳時，佢地個樣仲閉翳過你，慌死會問佢借咁。

因此，我相信，唔係，係堅信，一句响電影聽到的金句，好啱聽：有錢唔係萬能，但冇錢，就真係萬萬不能！

你而家合上眼，數二十下。

BOOM！

呢二十下，仲耐過土瓜灣馬頭圍道冧樓嘅十數秒。就只係十幾秒，可以失去至親，失去家園。看著新聞報導，心裡有說不出的痛。

冧樓後嘅一星期，高錕教授訪港。看著新聞報導，心裡也有說不出的痛。

一個人，可以突然間灰飛煙滅，也可以在你眼前慢慢消失。點樣消失，冇得揀；幾時消失，冇得揀。都幾灰…

再灰，生活都要過。可以過得冇咁灰嗎？應該得，事在人為。唔好俾自己嘅生命白過。

仲有，要緊記：珍惜眼前人，千萬唔好俾自己後悔。

又名「冧樓」。 最近應該冇香港人唔識嘅中文字。就是係唔識中文字，只得四歲的仔仔，見到報紙、雜誌上的相片，都會大叫，「媽媽、冧樓呀！」

再見到母校嘅「鬼樹」攪完一大輪以後，又話要斬，仲要係即刻個隻。

兩者共通點都係死得不明不白。

哈！原來生命真係好脆弱，估唔到，更加掌握唔到。連一棵樹也我地都幫唔到，我地仲點幫自己呀？

從幾時開始，我地嘅生命變得咁灰嫁？