一個普通不過的動作  – ‘R’ 背脊，令我今日sweet咗成日。

上午，同兩隻小豬玩緊，大豬同我講話背脊好痕，要我幫佢’R'吓。佢皮膚比較乾，好多時都會話痕，但通常會自己’R'，又或者我會叫佢搽D cream，都會好D。今日我都有叫佢搽 cream，但佢叫我幫佢’R'，no problem!

‘R’ ‘R’ 吓佢話好舒服，唔俾我「收手」。佢原本係「立正」俾我’R'，但我舉手舉到有D攰，就叫佢趴在我腳上。佢一趴，就趴咗成十分鐘。全程話好舒服，不停甜笑，又叫我’R'到100下先停，仲約我再’R'。好久冇同D豬仔咁close，sweet 到漏油。

阿仔，你開聲，媽媽「仆倒」嚟幫你再’R'背脊！

I am a happy receiver of unconditional love – daily! I really enjoy it when my sons run to me; when they feel the needs to hold (squeeze) my hands; when they cling onto me in danger or sadness. It feels good to be loved and trusted – unconditionally.

However, do you remember the love you gave your parents unconditionally when you were young?
I don’t.

Do we give others unconditional love and trust as a grown-up?
Not really.

Do you still love and trust your parents unconditionally?
Alas! I am glad that my answer is YES to this question.

What are your answers to these questions?

話咁快，哥哥四歲啦！每逢哥哥生日，以下的畫面都會在我腦海再出現…

2005年，冬至後作動入醫院，陣痛二十四小時後，仔仔平安夜凌晨出世，一家人歡天喜地。十二小時後，負責檢查的醫生走入我病房，我以為好似電視劇咁，佢會恭喜我同Steve。哈！佢竟然一開口，連稱呼都冇，就同我講﹕「你個仔有D問題。」然後一口氣講出哥哥幾個問題，講到阿仔好似外星人咁，我仲以為自己生咗隻羅茲威爾(The alien from Roswell)。

對唔住，我真係接受唔到，要醫生repeat又repeat。醫生話眼睛大和下巴較短會係某種綜合症嘅symptoms之一，但佢又講唔出係乜綜合症，只係話仔仔好有問題，都真係幾嬲。

那一刻開始，我覺得我的人生已完了！生咗個有缺憾嘅小朋友，點算？
那一刻開始，「擔心」已成了我生命的一部份！好擔心小朋友的將來，他會OK嗎？

再擔心，日子都總要過。在擔心的日子裡，學會了堅強，學會了知足，亦學會了世事不會往往如人意。與其問點解，怨天，倒不如努力解決問題。

話咁快就四年啦，那些頻密出入醫院的日子已經捱過咗，只希望仔仔以後的路會越行越順，身體一年比一年好，再冇其他要求。每次當我聽到其他父母在談論如何催谷自己的小朋友時，我從來唔會參與，因為我在哥哥受盡身心的痛苦時，跟他承諾過不會讓他再受不必要的壓力。仔仔，媽媽一定會堅守承諾！

我屋企多咗個外星人，佢操流利太空話，冇人聽得明佢嘅內容，只有哥哥同佢有對答，但哥哥只係同佢講 No, No, No，好攪笑。

你會話︰『唓！個個BB都係先講BB話，然後再慢慢學說話的。有幾得意呀？』

如果你有小朋友，我會同你講︰『你實在係身在腹中不知福。我大仔九個月大就會叫媽媽，一直到兩歲都只會叫媽媽，連爸爸都不懂叫。因為先天缺憾的關係，我們唯有不斷帶他見言語治療師。學了半年都只係叫媽媽，實在令人擔心和氣餒。』

在他兩歲半時，就像治療師所講一樣，在沒有經過太空話的階段下，哥哥突然懂得說話。我想，只要哥哥會說話，過程是如何，已經不再重要。話雖如此，當我今日第一次聽到細佬嘅太空話，心裡有說不出的喜悅。

外星人細佬，thank you！