Follow me on Twitter 在香港這大城市裡生活，好容易有呢個錯覺：錢 ，真係萬能嫁！
當你趕時間，又或者想舒服D，俾多少少錢坐的士，既舒適又節省不少時間，爽！
當你揹個名牌手袋，登時自信心返哂嚟，勁！
當你周不時換最新手提電話，個D羨慕嘅眼光，嘩!
如果你有部跑車，仲更加不得了。朋友呀，朋友個朋友呀，女呀，排住隊同你friend!
但係，有冇嘢錢買唔到嫁？有，最老土個樣…
健康！唔洗多講。有好多錢，但成日瞓响張床望住個天花板，要錢嚟做乜？
你跟住可能會話，仲有親情都係。真係？你肯定？但我開始懷疑，錢係可以買到親情嫁。你有冇見過D人豐衣足食但會為錢嘈交？係嫌D後生俾D心意唔夠多。跟住就玩黑面，玩針對，都幾死火。有錢就笑番，friend番哂，唉！
仲有，當你富貴時，親戚D面口好D嫁 。但當你閉翳時，佢地個樣仲閉翳過你，慌死會問佢借咁。
因此，我相信，唔係，係堅信，一句响電影聽到的金句，好啱聽：有錢唔係萬能，但冇錢，就真係萬萬不能！