May 162010
 

上次提到,Phu Quoc個resort正到痺,咁有冇D唔好嘅地方呢?答案係「有」!

首先,Phu Quoc仲未好旺,D人唔係個個識英文,酒店唔會有問題,但出外就可能有D「騎呢」,呢樣要留意。又因為呢道仲未好旺,nightlife欠奉,喜歡夜蒲的你要想清楚。但又因為呢道仲未好旺,你係可以好寧靜咁﹑認真咁渡假。另外,個島到今日都只係有三﹑四條鋪好了的馬路,有D resort或hotel外面仲係爛路﹑石仔路,你可能會唔鍾意。亦因為路唔好,用「綿羊仔」代步十分普遍。125cc以下,唔需要車牌都可以租用,可以好好玩,但又可以好危險,意外時有發生。所以,請留意自己的駕駛技術,免得樂極生悲。

我們住的Mango Bay resort,非常接近大自然,所有住宿都是背靠樹林,面向大海,每一日都有靚到令你唔捨得走嘅日落。但係,咁接近大自然就自然會有好多機會見到蛇蟲鼠蟻。我地就見到蛇﹑青蛙﹑好大嘅壁虎(真係好大,正名好似係蛤蚧),有D置身National Geographic現場嘅感覺,好驚,但又好刺激。仲有,呢道未有你熟悉的大型五星酒店提供,如果你要high end的酒店服務,遲多幾年啦。但我反而覺得呢D resort就好有特色,可以一試。